गाव बदलला की देश बदलतो !
एकलव्य फाऊंडेशनच्या माध्यमातून आम्ही शिक्षण, आरोग्य, रोजगार आणि महिला सक्षमीकरण या मूलभूत क्षेत्रांमध्ये संपूर्ण महाराष्ट्रात सक्रियपणे कार्यरत आहोत. मात्र, कोणत्याही देशाची खरी प्रगती ही शहरांमधून नव्हे, तर गावांच्या सशक्त उभारणीमधून घडते. आपल्या गावांचा आणि ग्रामपंचायतींचा विकास म्हणजेच एक संपन्न भारत घडविण्याचे पाऊल!
हीच भावना लक्षात घेऊन एकलव्य फाऊंडेशनचे संस्थापक अध्यक्ष श्री. प्रविण महादू देशमुख यांनी “माझी ग्रामपंचायत” ही संकल्पना प्रत्यक्षात आणली. या उपक्रमाचे उद्दिष्ट केवळ गावांच्या विकासावर प्रकाश टाकणे हे नसून, ग्रामपंचायतींनी केलेल्या उल्लेखनीय कार्याचे दस्तऐवजीकरण करून ते सर्वांसमोर मांडणे हेही आहे.
या उपक्रमाद्वारे आम्ही शासनाच्या योजनांचा प्रभाव, ग्रामपंचायतींची दूरदृष्टी, स्थानिक नेतृत्व, लोकसहभाग, आणि इतर यशोगाथा एका व्यासपीठावर आणण्याचा प्रयत्न करत आहोत. “माझी ग्रामपंचायत” हा केवळ माहितीपर उपक्रम नाही, तर तो ग्रामीण भागाच्या उज्ज्वल भविष्याचा दस्तऐवज आहे.
गावागावांमधील प्रेरणादायी बदल, नवसंकल्पना आणि लोकसहभागाच्या जोरावर साकारलेली ही कहाणी. ही आपल्या देशाच्या नवभारताच्या दिशेने चाललेली एक महत्त्वपूर्ण पावले आहेत.